COMELEC DINHI NANGANDAM

Didto ta kaganina sa buhatan sa COMELEC, ug bisan wala nato maapsi ang Election Officer, atong nahibaloan nangandam gihapon sila sa bisan unsa nga mga kalamboan bisan ining giingon nga dili mahinayon ang barangay eleksyon. Wala may memorandum nga ilang nadawat gikan sa buhatan sentral sibo sa taho mao nga katrabaho ra sila sa naandan.

CESAR TUA SA JAPAN

"Human na ang operasyon ni Cesar sa Kidney", ingon ni Vemin Lozano kaganiha didto sa ilang balay. Miadto diay si Cesar Orquillas sa nasud Hapon aron magpatambal kay daut iyang kidney o bato. Gialisdan diay kadto ug ok na. "Ang donor", padayon ni Vimin, Japanese kuno". Ug wala pay termino kon kanus-a siya mopauli dinhi sa Initao.

DUHA KA KALIWATAN NAHIBALOAN?

Ang Balaang Kasulatan nagkantar nga adunay duha ka dagkung kaliwatan dinhi sa kalibutan nga ingon sa lantaw sa uban wala mahikyad sa mga nagsangyaw. Mao nga adunay kahinay ang pagpang-ani sa giingon hinog na nga mga alanihon. Apan karon dinhi, angay nang mahibaw-an aron mosangpot ang uban sa desisyon asa sila gustong magpailalum. Ang unang kaliwatan mao ang KALIWATAN NI TATAY ADAN-diin ang tanang tawo gikan pa sa iya hangtud sa umalabot pang panahon, napaubos. Tungod kay mikaon man silang magtiayon sa kahoy sa kamatayon, sila nangmatay ug ang tanang tawo sukad niadto mamatay gayud. Ang iyang kaliwatan, KALIWATAN SA KAMATAYON. Sa dihang miabot ang Ikaduhang Adan nga mao si Ginoong Hesus, miabot usab ang iyang kaliwatan nga mao ang KALIWATAN SA KINABUHI-diin ang mga tawo nga midawat ug mituo kaniya napaubos sa iyang kaliwatan nga bisan mamatay mabanhaw ra ug mabuhi pag-usab. Ug may kinabuhi unya sama kaniya nga way katapusan. Mao nga adunay panginahanglan nga ikaw bay matawo pag-usab.

SIRADO ANG PWESTO

Ang gitumbok nga pwesto sa FM radio dres Initao sa paglabay sa Observer didto kaganiha, nagpabilin nga serado. Ang pultahan tak-op ug klaro way tawo sa sulod, segurado wala gyuy pagka-abli ug walay balita gikan sa manager kon unsa na ang kalamboan. Di ba kaha malahos o unsa bay kakulian, nagpabilin tang may mga pangutana sa atong mga alimpatakan. Lima ka libo ang pletehan matag bulan, wa magamit karong bulana nga hapit na matapos, laing bayad binulan sa Septembre ug ang duha ka bulan nga abanteng nabayad bitay na.

IBALHIN KA

Sa imong pagkatawhanon, ang giplano sa Ginoo alang kanimo, ganoyon ka ngadto sa pagkadyosnon. Gikan sa tawo nga mamatay ra, ngadto sa binuhat nga mabuhi ra. Tungod kay liwat ang tanang tawo ni Tatay Adan nga namatay, walay tawo nga labyan sa kamatayon-patay tanan. Ang remedio mao nga lalinon ka ngadto sa kaliwat sa ikaduhang Adan aron dili ka na dutlan sa kamatayon. Ang salinte, ikaw mahatagan sa kinabuhi nga dumalayon. Ang yutan-on himoon na nga langitnon. Mao nga si ginoong Hesus miingon, "Kinahanglan nga matawo ka pag-usab."

SAKOP SA BI MANGUNDANG

Di pa dugay didto sa internet Cafe sa Poblacion, ang retiree nga si Roldan Tacbobo misugilon sa Observer nga ang Pari sa mga Balik-Islam dres Initao nabalaka nga ubay-ubay ang mobalik sa kanhi nilang pagtuo-mobiya sa Islam. Kini matud pa ni Roldan tungod kay lisud mabalhin ang naandan mangandoy mobalik. Aduna na diay kapin sa usa ka gatos ang nag-pamembro, ug kining ilang duha ka mga mosque diin sila manimba, ang usa sa Tubigan ug ang lain sa Kanitoan ubay-ubay na unta apan sa usang hinungdan, mangundang ang giingong 40% sa tibook ginsakopan. Ang gitumbok, matud pa ni Loloy, mao ang Baboy nga gidili pagkaon, mingawon man sila sa kalamian niini labina ang litson.

KALAHI FOUNDATION MAG-DONATE 4M

Ang barangay San Pedro gigahinan sa Kalahi Foundation ug kwatro milyones pesos alang sa sea wall nga repair ug rahab niini. Si Mayor Gogoy sa iyang pakigpulong kaganihang buntag dres Bliss nag-ingon, nga ang gihatagan sa KALAHI mga lungsod lang apan sa kadaghan nga mga barangay sa Misamis Oriental, ang San Pedro lang ang napahatan niini. Daku ang pasalamat sa konseho sa barangay sa KALAHI ug pinaagi sa Kapitan Alma iyang gipadayag kini sa iyang pakigpulong sa maong okasyon nga gipahimutan sa covered court sa Bliss.

SK NAPUN-AN

Sigun kang Marfred Pacanut sa COMELEC dinhis atoa, aduna nay 6,402 ka mga ulo ang naa sa ilang listahan ug kini way labot ang daan,bag-o 919 ug ang nag-edad ug 18-30,354 ang nagpa-rehistro niadtong petsa 30 sa miaging bulan Hulyo 2016.