WALAY ELEKSYON DINHI

Tungod sa Martial law ang karon nta tuiga nga piniliay sa barangay dili mahinayon nga unta sa sunod bulan ipahigayon. Kini maoy atong nasayran niadtong Biyernes gikan dire sa buhatan sa COMELEC diin usab atong nahibaloan nga walay paghikay sa mga papeles alang sa mangandidato o certifico de candidatora. Didto ra sa Luzon ug Visayas ang aduna apan duhaduha gihapon kay lagi sa nahibaloan ang Presidente walay gusto nga adunay piniliay karong tuiga gumikan sa gubat batok sa ilegal nga druga diin mga opisyales sa kagamhanan nalambigit apil na ang sa mga barangay.

GQ GIPANGITAAN

Di pa dugay sa Naawan, human gipangitaan ni Franklin Quijano ug sinulat nga report, si George Quitoriano namalibad usa niadtong higayuna kay wala makaandam, apan naningkamot gyud ug karong bag-o naa siyay ipadala ngadto sa nahauna ug matud pa sa naulahi padalhan usab niya ang Presidente sa nasud kay importante man kaayo ang impormasyon alang sa lungsod nga ang sa itaas maka-desisyon sa tinuoray alang sa kasiguruan sa tibook katawhan sa Initao.

BMS PADAYON ANG PAGPAHIGAYON

Ang pagpahigayon sa BMS (Basic Membership Seminar) sa PDP dire sa Initao padayon karon kay wala man makompleto ang tanan ug aduna po mga nakaseminar na nga namalinyong ug mibiya sa grupo. Kini matud pa ni George Quitoriano ang Chairman sa PDP-Laban sa Initao. Ug dili lamang Initaonon ang mangapil dre apil usab ang didto gikan sa ubang kalungsoran sa Este nga bahin sa Misamis Oriental.

QUIJANO MITUBAG SA PANGUTANA

Ang ex-Mayor sa Iligan ug karon board member sa PHIVIDEC FRANKLIN QUIJANO mitubag sa pipila ka pangutana human sa iyang pakigpulong sa nanambong niadtong Domingo sa meeting sa PDP-laban didto sa RD beach sa Naawan. Dili lang mahigawad ang tanan sa grupo, tumbok niya, kay gitun-an pag-ayo ang pagpang-ilis sa mga opisyales nga nalambigit sa ilegal nga druga ug sa korapsyon. Hulat hulat lang usa kay nahibaw-an na man nga walay eleksyon karon tuiga ug sa sunod.Didto na sa 2020 kini ug idungan sa mga opisyales sa lungsod.