MOCK ELECTIONS GIPAHIGAYON

INITAO, MISAMIS ORIENTAL-Niadtong 02 sa Febrero ning tuig 2013, dungan sa siyam pa ka mga dapit sa nasud, mock elections gipahigayon sa COMELEC dinhe sa duha ka mga barangay; Poblacion ug Oguis nga sa daan na nga plano tag-50 lamang ka mga botante ang makabotar matag voting center niini. Si Gng. Dina Cabunoc, ang Municipal Election Officer sa lungsod nag-ingon nga sa 34 ka mga botanteng miapil sa Poblacion, 5 lamang ang nabasa sa PCOS ug ang 24 giluwa ug wala basaha. Samtang 49 sa Oguis ang nabasa ug ang usa trial nahimong completo nga 50 ang mibutar ug miadto sa presinto. Bisan tuod adunay mga problema nga mitumaw ug nakita, malamposon ang mock elections dinhe kay ubay-ubay ang misaksi ug hapsay and pagpadagan nga tinambongan kini sa mga vintage media sama sa ABS-CBN, RMN, Radyo Bombo, ug uban pa nga mga magsusulat sa lokal nga mga pamantalaan sa Cagayan de Oro. Miasister usab niini ang Initao PNP, pinanguluhan sa ilang hepe. Si Cabunoc miasoy nga ang maong election giapilan nila ni Atty. Glenys Tamondong ug John Michael Lagaran, mga opisyal sa COMELEC Central ug ang resulta ila gayud dayon nga gi-transmit sa Manila sa dihang nacompleto. Nalangan man tinuod ang sa Oguis tungod sa ka-walay signal didto apan wala man usab kini mahaponi. Ug sa petsa 01 didto sa Pagahan, nag-briefing ang maong mga opisyal sa COMELEC sa duha ka mga BEI (Board of election Inspectors) sa duha ka mga barangay kabahin sa ila nga mga buluhaton sa mock elections. Ug pagkaugma ilang naagian ug nasaksihan unsa gayud ang ilang buhaton sa nagsingabot Mayo 13 nga tinuod na gayud nga election.