COMPUTER ROOM FINISHED

Sa San Pedro Elementary School nga lawak alang sa giingong donasyon sa computer sets nahuman na. Kini gipakita sa Observer niadtong Miyercoles ni Mr. Dennis Magsayo, ang abtik ug kugihan nga Principal sa maong tunghaan. Pintal na lang ang kulang matud pa niya ug kini bisan niining mga higayona, andam na. Ug gikan kaniya atong nahibaw-an nga sa panahon sa Brigada Eskuela nakalitan sila sa dihang miduaw ang ilang superintendent ug assistant niini nga misaksi sa ilang gibuhat. Ug nakita ang kalamboan sa maong tunghaan nga sa kang Mr. Magsayo ug mga kauban lamang nasaksihan.