SITUATIONER

Ang mga kanal sa Poblacion niining mga semanaha gipangkalot aron ipangtaod ang dagko nga tubo sa tubig, kini maoy nasayran sa Observer sigun sa asoy sa mga tawo ug matud pa nila kwareta milyones ka pesos ang gahin sapi alang niini nga proyekto nga ang tumong mao ang pinadak-ang sebisyo sa supply sa tubig alang sa mga kunsumidor. Ang yuta nga nakalot nabalhin sa mga dapit ug ang uban nahakot ug ingon sab sa uban iuli ra sa nakalotan pagtabon sa mga tubo nga mataod. Nabatyagan sa Observer nga naay nahakot naa pod wala naa pay nabilin. Ang nabalak-an sa uban basin dili pa mahuman ang proyekto makalotan ug mahakot ang pundo-mapundo ang proyekto.