ALS SA COGON GI-KINAHANGLAN

Sa lantaw sa Observer diha Sitio Cogon, Tawantawan, ang alternative learning strategies maayong ipahimutang alang sa mga OSY dihang dapita. Kini tungud kay daghan nga mga batan-on nanimuyo diha uban sa ilang mga ginikanan nga wala magpatungha kanila-naloklok sa bisyo ang kadaghanan. Ang inom, sugal ug pangawat maoy buhat nga sa ugma wala gyuy mapaabot. Sa pakigsulti sa Observer sa Prinsipal sa Tawantawan Elementary School, Framer B. Tacbobo, uyon siya sa programa nga mabutangan ug pagpanudlo dha sa Cogon ug pahibaloon ang ALS Coordinator nga si Gng Riza Paulin. Nahibalon sa Observer nga ang Puting Bato adunay duha ka magtutudlo sa ALS kay aduna may pagtungha didto. Matud pa ni Mrs. Tacbobo ang mga ALS teacher didto sila si Harry Tupag ug Elesy Cabanlit.