MGA PATAY DILI NA MAKABOTAR

Sa pakisayod sa Observer didto sa buhatan sa COMELEC karong bag-o, nahibaloan nga ila na papason ang mga nangamatay nga mga botantes gikan sa listahan. Kini tungod kay maapil man lang gihapon sa ihap kon dili mapapas. Ug ang mga agpas sa uban nga mobotar lang gihapon kini sila bisan mipahulay na kay buhi pa man sa listahan sa COMELEC. Ilang kuhaon ang opisyal report sa LCR aron husto ang ilang basehan pagpanangtang sa mga ngalan sa voters list pagsiguro niini pinaagi sa ilang mga death certificate.