DILI PAMOLITIKA

Di pa dugay didto sa ilang puy-anan namahayag si Ex-Kag. Belen Saavedra nga ang iyang pangulit-kulit diha sa munisipyo kabahin na sa panubig, dili pamolitika, tungud kay siya kaparti sa oposisyon. Ang iyang tumong nga matabangan si Mayor Gogoy sa iyang implementasyon sa pagrehab sa tinubdan ug mga nalambigit nga mga himan niini. Ug aron ang serbisyo sa publiko matarong-ang tubig ilimnon madawat sa katawhan nga walay reklamo. Wala may lain iyang gilantaw, matud pa niya, ang kaayuhan sa tanan benepesyaryo sa tubig-mga kunsumidor nga dili mangasakit ug maayo ang panikaysikay. Wala siya mag-apas pa sa unsay dagan sa politika nga siya botaran kay wala man siya magplano pa nga mokandidato. Hinoon ingon sa uban, duda mi. Apan siyay pangutan-on, "no comment", maoy tubag.