SUSPECT DENIES ACCUSATION

Ang akusado sa pagsunog sa usa ka balay diin duha ka batang babaye naapil, mibalibad nga siya ang mibuhat sa ingon. Kini maoy nahibaloan sa Observer didto sa prisohan kagahapon sa hapon sa pakighinabi uban kang Cris Jon Baluarte, sinumbong. Siya miasoy nga tulo ka tawo ang iyang nasaksihan didto sa Sitio Tigbotang, Tagbalogo, Naawan, diin mahitabo ang sunog. Matud pa niya gibunalan siya sa likod sa iyang ulo mao nga siya nawad-an sa panimuot ug nakamata nalang siya nga ugdaw na ang natumbok nga balay. Siya ang mitaho sa polis-Naawan siya na hinoon ang gibun-og ug gipasangilan sa nahitabong krimen. Midangop diay ang iyang mga ginikanan sa Human Rights Commission, Rehiyon 10 ug matud pa pod niya didto na sa BJMP-Apas ang mga tinungyanan niini ug nangimbestiga.