EDAD NIMO BAY PILA NA?

Sa gidugayong katuigan dinhi sa masamok nga kalibutan, 20 30 40 o 60 na tingale ka? Bisan asa niini ang kamatayon kanunay maoy hulga nga dili mawala! Kini moabot ug mapaabot dili lamang sa nag-edad 60 kon dili apil ang tanan tigulang ug bata. Wala ka ba mangandam? Limotlimotan ba lang nimo kini pinaagi sa pag-inum o sa gidili nga shabu? Bay kon ang mga pangutanang gagmay nahagpat na nimo, adunay dagko nga mahinungdayon kaayo nga nagkinahanglan sa imong pagtagad. Kon kini imong napalabay kanhi, karon sa gusto nimo'g sa dili tagda na. Kay basin maulahi ka ulahi na unya ang tanan. Timan-i KAMATAYON NASULBAD NA!

IKA-48 KA TUIG KARON NA

Ang mga opisyales sa Brgy. San Pedro, magpahigayon sa ilang gipangandamang programa karong adlawa, kini isip pagdumdum sa katukuran sa barangay 48 na ka tuig ang nakalabay. Ang lambigit niini dili lamang mga opisyal dinhi kon dili apil sila sa munisipyo kay ang program nagpakita man nga aduna silay parte diin moadto ug mosaka sila sa entablado. Sa buntag ngadto na kini sa hapon, adunay mga dula nga ipahigayon, sa mga alas kwatro adunay misa ug sa alas syete sa gabii mao na ang programa nga ablihan sa pag-ampo ni Pastor Jose Hiquilan. Ug sagad sa mga programa, ang naandan; Bayang magiliw, abli pakigpulong mga mensahe, presentasyong sayaw, inspirational, charter day messages, ug uban pa masaksihan kon moatender ka.

DUHA KA KALIWATAN MIDANGAT

Ang kalibutan sukad kini nabuhat, gipahigayunan ug duha ka kaliwatan; kaliwatan nga mamatay ug kaliwatan nga mabuhi-kaliwatan nga lumalabay ug kaliwatan nga dumalayon. Ang unang kaliwatan, kaliwatan ni Tatay Adan ug ang ikaduha, ang kaliwatan ni Ginoong Hesus, ang ikaduhang Adan. Ug tungud kay ang tanang tawo napaubos man sa kaliwatan ni Tatay Adan nga mamatay ra, nagkinahanglan kini sa pagpaubos sa kaliwatan sa ikaduhang Adan nga mamatay man mabanhaw ug mabuhi ra. Mao nga ang unang pagkatawo gikinahanglan ang ikaduha nga pagkatawo aron maalisdan ang una sa ikaduha.

ORIENTATION IPAHIGAYON

kagahapon didto sa iyang Buhatan sa Laguindingan ang Regional Director sa VACC (Volunteer for Crime and Corruption), Mansueto Gritan misugilon sa Observer nga sa Biyernes adunay Orientation Seminar sa mga vulontaryo nga mangapil didto sa Linamon sa Iligan ug sa Sabado didto sa Cabalantian, Manticao. Pagaapilan kini sa mga Municipal Chairpersons didto ug sa mga moapil sa voluntaryo nga serbisyo alang sa kumunidadnong pangalagad batok krimen ug korapsyon. Ang mga lecturers, matud ni Gritan, gikan sa NBI, PDEA, PNP Ug uban nga mga pinadala sa lain-lain nga mga law enforcement agencies sa kagamhanan. Ang registration fee Php200.00 alag kini sa paniudto ug snacks sa mga mangapil.

PUEDE NA IPAHIMUTANG

Ang FM RADIO Transmitter puede na ipahimutang dinhi sigun sa lantaw sa MPDO sa Initao, Ariel Galarroza. Human sa pakighinabi kaniya didto sa iyang buhatan niadtong Martes sa hapon, siya nag-ingon nga wala man ang NTC mohatag sa certifico nga gikinahanglan kay dili man nila lankob ang mga radio station nga ubos sa 1000watts, ug wala pod ma-seta ang radio sa 7160 ang Local Government Code, ok ra nga mag-operate kini nga walay permiso gikan sa mayor. Tubagon lamang kini kon may moreklamo ug ang lain nga kapilian mao ang sa LGU paghatag ug pirmiso pinaagi sa SB resolution/ordinansa kalabot na sa pagsibya. Nattumbok ang sa Manticao nga padayon man kini sa pagsibya nga wala manginlabot ang NTC, ang LGU didto mihatag man pod ug kagawasan sa mga nagdumala sa FM Radio didto.

SUSIHA KINI

Kay ikaw naTAWO ug napailalum sa kaliwatan ni Tatay Adan nga mamatay ra, gikinahanglan nga mahimugso ka sa kaliwatan sa ikaduhang Adan nga mao si Ginoong Hesus nga mamatay man ugaling pero mabanhaw ra. Gihimugso kang, TAWO matawo ka pag-usab nga DIVINO. Kay sa kang Tatay Adan kinabuhi, mubo ra ug may kamatayon, apan sa kang Ginoong Hesus nga kinabuhi, kon may may hapitan nga kamatayon bangonon man niya ug hatagan sa kinabuhing dumalayon.

TAGAL-KADIYOT RA

Kinsa kadtong nagplano sa pagdagan sa piniliay sa barangay angay mahibalo nga tulo ra ka adlaw ang pag-file sa certifico de candidatora, kini maoy ingon sa COMELEC. Siguroon usab nga kon sila miagi na sa pagdagan sa milabay na nga eleksyon, sila naka-file usab ug SOCE o mga gastos nila sa nasangpit nga miaging pagkandidato. Kon wala sila ini, dili na sila tugotan pagdagan. Aron siguro, ang COMELEC miawhag nga moadto sa ilang buhatan alang sa pagklaro niini.

MIREHISTRO GAMAY PA

Mga batan-on nga niadto sa buhatan sa COMELEC dili daghan, "gamay pa" ingon nila. Gilantaw nga didto na tingale magpunsisok sa katapsan adlaw ning bulan sa Hulyo. gipahibalo man unta sa tanan ang maong kalihukan didto sa ABC meting gibutyag sa Municipal election Officer nato dnhi. Mga kapitanes gipakisayran ug siguro usab kini nilang gipakaylap didt sa ilang tagsa-tagsa ka barangay. An dili marehistro dili sab makabotar.

WA SILA MASAYUD

Si Ariel Galarroza atong naadtoan kaganina sa ilang pinuy-anan ug gipangutana kon tinuod ba nga mis-surrender si Mayor Gogoy ka lagigitabi man dre nga siya drug lord. Ang tubag niya, wala siya makahibalo, mao usab si Kap. Inchang Go sa Gimangpang sa dihang ato giadtoan kaganiha mga ala-una y'media sa ilang balay. Wala gihapon siyay kasayuran ug mipasalig nga iyang pakisayran.

REGISTRATION OK

Adunay pangrehistro sa mga botante kinse dias, ingon sa COMELEC sa dihang didto sa ilang buhatan ang Observer kaganihang hapon ug kini magsugod ugma hangtud 31. Mao ra ni, matud pa sa taho kay pangandam alang sa election sa barangay karong moabot Oktubre apil na ang SK. Mao na lang kini ang katapusang pangrehistro karong tuiga ug didto na pod sa laing tuig ang mosunod mahibaloan ang schedule.

MANY TURNED UP

Yesterday morning, in Brgy. San Pedro pushers/users turned up in the covered court at Bliss to be processed led by Brgy. Captain Alma Acain who was assisted by police elements of INITAO POLICE STATION. When asked if there were pushers, Acain did not respond but a police woman said,"dia gilain". Acain instead said, "daghan ang mi-surrender", ang uban didto sa munisipyo".