DUHA KA KALIWATAN MIDANGAT

Ang kalibutan sukad kini nabuhat, gipahigayunan ug duha ka kaliwatan; kaliwatan nga mamatay ug kaliwatan nga mabuhi-kaliwatan nga lumalabay ug kaliwatan nga dumalayon. Ang unang kaliwatan, kaliwatan ni Tatay Adan ug ang ikaduha, ang kaliwatan ni Ginoong Hesus, ang ikaduhang Adan. Ug tungud kay ang tanang tawo napaubos man sa kaliwatan ni Tatay Adan nga mamatay ra, nagkinahanglan kini sa pagpaubos sa kaliwatan sa ikaduhang Adan nga mamatay man mabanhaw ug mabuhi ra. Mao nga ang unang pagkatawo gikinahanglan ang ikaduha nga pagkatawo aron maalisdan ang una sa ikaduha.