KALAHIAN SA TAWO

Ang TAWO sukad sa Harden sa Eden, gitumaw nga may kalahian. Diperensiya nga matumbok pinaagi sa giigon sa Ginoo sa Genesis 3:15. Binhi sa Kaaway ug binhi sa Ginoo. Mao nga lahi ang usa'g usa bisan parehas nga tawo. Ang una, mao ang binhi nga supak sa kabobot-on sa Diyos ug ang ikaduha ang matinumanon sa balaod sa Ginoo-Kalahian Uno: KALIWATAN NI ADAN-kaliwatan sa kamatayon kay kaliwatan man nga yutan-on. Kalahian Dos: KALIWATAN NI GINOONG HESUS, ang ikaduhang ADAN-kaliwatan sa kinabuhi kay kaliwatan man nga langitnon. Mao nga lahi ang usa'g usa. Pagkakaron, ang deperensiya mao ni nga ang una, BUHI'NG PATAY, samtang ang ikaduha, PATAY'NG BUHI. Kini tungod kay ang una kausa ra matawo, ang ikaduha, natawo pag-usab.