ASA KA LIWAT

Way lalis liwat ka ni Tatay Adan nga tawo lamang ug ubos sa kaliwatan sa mga patay. Gikinhanglan nimo nga moliwat ka sa ikaduhang Adan nga mao si Ginoong Hesus aron mapaubos ka sa kaliwatan sa mga Buhi. Gikan sa kaliwatan sa may kamatayon ngadto sa kaliwatan nga may kinabuhing dumalayon. Mao nga gikinhanglan ang tawo matawo pag-usab. Kay kon kausa ka ra matawo, kamatayon ray imo. Apan kon matawo ka pag-usab, mamatay ka man tinuod apan banhawon ka ug makinabuhi nimo ang kinabuhi nga sama kang Kristo nga walay katapusan. Gikan sa liwat-tawo ngadto sa liwat-DiyosTawo.