PDP RECRUITS-DIDTO SA CABACABA

Nasaksihan kagahapon sa Observer didto sa Cabacaba, Alubijid ang mga tawo gikan sa nagkalainlaing mga dapit sa distrito 2, kini gikan sa Jasaan paingon sa Lugait. Bisan wala nato malantaw ang attendance sheet, maingon nga ubay-ubay pod kadto nga nagrepresentar sa partido PDPD-LABAN. Sigun sa atong panukiduki, may mga nangadto nga nakisusi kon unsa na ang kalamboan ning lihok-politika sa partido ni Pimentel. Kini tungod kay sa uban usa man kini ka pagbalintong sa diha sa mayoriya nga karon minoriya na sa paghugpa sa administrasyon ni Pres. Digong. Sa lantaw sa Observer, may mga dismayado didto nga miuna ug panguli wala na mohulat sa kadaghanan. Ang nagpabilin ug nagpaulahi, ang mga tinugyanan sa reorganisasyon ug mga opisyales probinsyal ug rehiyonal, kay gianunsyo man nga sila adunay meeting pagkahuman sa programa.