GUSTO MAN GOD MAG-LORD

Daghan ta karong ug mga problema gumikan sa usa lamang ka hinungdan nga mao ra ang giunahan ni nanay Eva ug tatay Adan didto sa tanaman sa Ginoo sa Eden. Gikaon man god ni Nanay Eva kadtong gidili nga bunga-hoykay lagi giingnan man siya/sila nga kon makakaon sila niadto mahimo sila nga "sama sa Diyos makahibalo sa maayo ug dautan". Nahimo na kadto nga sumbanan ug karon ania atong mabatyagan nga ang bunga gikaon-kaon lang gihapon, tungod kay anaa may gustong magWARLORD, drugLORD, gamblingLORD, ug uban pa. Problem gyud kaayo, gusto man sila nga walay mangibabaw kanila sama sa Diyos. Sila ang naa sa itaas wala ang pagpaubos.