ZES MIL GIULI

Sa panalangin sa Ginoo ang nagkuha sa kwarta sa korte nga ipadala naunta sa Clerk of Court sa Banko giuli ra ug matud ni Melody "salamat sa ginoo nga nakonsensya ang mikuha", kay ganihang buntag giplastar ug balik sa dapit sulod sa ilang opisina ang sobre nga gisudlan ug zes mil didto ra sa sulod sa sobre apan ang kapin nga dos syentos wala na. Martes sa hapon nakuha ug giuli ganiha, Huwebes na nahuptan ug sobras 24 oras.Wa tingale makatulog ug nahimutangan ang hunahuna sa kahadlok ug kabalaka nga mailhan ug gihinok ug uli sa opisina nila.

BALHIBOO'G KAMOT NAKAKAWAT

Kagahapon sa hapon sa buhatan sa MCTC, ang sobre nga may sulod Diez mil kapin ka pesos, i-remit unta sa Clerk of Court karong adlawa sa banko nahanaw sa nahimutangang lamesa sulod sa ilang opisina. Si Melody Monrealmeda naghikay nga mag-type sa papeles nga isukip niadtong sobre nagkapuliki ug pangita niadto apan wala na gyud. Wala pa niya ipa-blotter kay ang ilang suspect ila ra mang kauban nga sayo ug daling nakalakaw bisan wa pay alas-singko.bIngon niya basin iuli ra. Usa nila ka kauban nag-ingon nga nagproblema ang suspect ug kwarta kagahapon ug karon ilang nabantayan ok na.

KAPIN 600 NADUGANG

Ang COMELEC dinhi sa Initao nakadugang ug sobra sa 600 ka mga bag-ong botante ug sagad niini mga batan-on. Kini nasayran nato ganiha didto sa gawas sa ilang buhatan sa dihang manguli na sila kay alas sinco na kapin. Miadto sila sa mga barangay ug sa Gimangpang sila ganiha ug sa Oguis sila ugma ug kini mao na lamang ang katapusan na kay mao ray gitugon sa COMELEC SENTRAL. Gilantaw nga moabot sa usa ka libo ang uswag sa rehestrado nga mga botante dinhi sa lungsod.

MIMAR GIDAKOP

Niadtong gabii sa Sabado gidakop sa mga polis tungod sa ilang gitindahan duol sa Hall of Justice si Mimar Pimentel. Ang hinungdan ingon sa polis namaligya siya ug shabu ug anaa siya sa prisohan karon nag-atubang sa kaso nga ipasaka sa polis batok kaniya. Hinoon wala may nakitang dala ug walay nakuha, apan sa didtomna sa buhatan sa kapolisan naa nay "unsa kadto, ingon sa iyang kapuyo". Gi-plnatingan nila", matud niya.

MIAPIL SA BMS-20

Sa Lasang na gipahigayon ang Basic Membership Seminar sa PDP, ingon sa usa ka miapil, ug gamay ra sila kay wala man ang uban mahibalo, gani sa buntag ra kadto sa Domingo ug ang gihisgotan FEDERALISMO ra. Mga barangay sa Initao lamang ang gi-seminar kay nasayran sa hapon niana sa Libertad ang adtoan. Natural si George Quitoriano ang nagpahimutang sa bag-ong venue nga unta sa apas man ang nahaunang dapit diin BMS gipahigayon. "Akoy magbuot asa," ingon niya.

NEWSMAKERS-WALA DIDTO

Ato giadtoan ang munisipyo kaganihang buntag, wala didto ang atong sagad ikahinabi mao nga ilakaw ra pod ta, pero nangutana tas kilid-kilid, ang mayor wa pa makaabot gikan sa biyahe sigun sa gi-ingon nga 23 ning Abril, ang ingon sa Mayo 10 na, atol sa abli inagurasyon sa bag-ong mga building sa Jampason. Si Jake Lundahay, sa Cagayan ang biyahe,si Ariel Galarrosa mao pod. Ang uban dili available.

BERNES SANTO-MINGAW

Dihay parada ganiha sa Romano Catholico palibot sa Poblacion ug nakabalda kadali sa buylo sa trapiko nalangan ang ubang motorista kay lagi nakaali man sa agianan. Hinoon wa may nagreklamo ug nakaagi ra man sila sa dihang ang Karancho mihatag ug sinyas alang sa ilang pag-agi padulong sa ilang destinasyon. Parada kadto sa pagkamatay sa Ginoo pamalandong sa hitabo nga sobra na sa 2,000 ka tuig nga nakalabay didto sa kalbaryo gilansang sa krus si Ginoong Hesus aron pagluwas sa kalibotan gikan sa sala ug kamatayon.

PAGLUBOS SUGMAT NA POD

Matag semana santa dres Initao maoy naandan nga, mga tawo nga gusto ug gahum, agod-agod ug may huptan nga gahum sa kangitngit magpreparar ug mga lana, sagbot ug uban pa aron maglubos didtos menteryo matag Bernes santo. Sa ilang pagtuo makaayo kanila kay lagi makahupot na man sila sa wala kanila nga gahum, gahum sama sa dili madutlan, sayon makadani, dali makaila sa kaaway ug uban pa. Apan wala nila malantaw nga gahum diay kini sa mga demonyo. Wala hinoon nila pilia ang gahum sa Diyos nga labaw sa tanan, ug dili moresulta sa kadautan kon dili mao ang lugway sa ilang kinabuhi ug kaluwasan nilang tanan.

CARAVAN GIPREPARAHAN

Kagahapon sa buntag, ang Municipal chairman sa PDP dinhi sa Initao nanawag sa Observer ug iyang gipahibalo nga wa nay lain, si Ex-Mayor Franklin Quijano na ang ipuli sa lingkoranan sa DILG isip secretary ug gipang-awhag ang tanan sakop sa PDP alang sa CARAVAN nga ipahigayon sa dihang makabalik si Quijano gikan sa gawas uban sa presidente. Sa Lunes ang ilang pagbalik mao nnga sa sunod semana mahibaloan na unsa ang mahitabo nga mosunod.

DILG SECRETARY-TAGA MINDANAO?

Tinubdan sa estorya nag-ingon kaganihang buntag nga si Ex-Mayor sa Iligan Franklin Quijano maoy ipuli sa gisikarang secretary sa DILG. Matud pa niya konpirmado na kini nga balita ug gitawagan gyud siya nga wa nay lain iloklok sa posisyon nga nasangpit kondili si Quijano na gyud. Sa pagbalik sa grupo sa presidente nga tua sa Saudi Arabia ipahibalo na kini, ingon niya.

GQ MISUGILON

Ang Municipal Chairman sa PDP dinhi sa Initao George Quitoriano didto sa ilang balay kaganihang buntag sa dihang nahinabi sa Observer miingon nga als-asdos sa Hapon kagahapon iyang gisugdan ang meeting nga iyang gipatawag. Bisan wala pa mangabot ang ilang mga dinapit iya gyud giunhan ang nagtapok na nga mga opisyales sa partido sa mga barangay. Nahimong klaro ang agenda apan ang naulahi, matud pa niya, nangutana pag-usab ug gibalik na lang pod niya ang nahisgotan na. Apelasyon diay kadto sa suporta alang sa biyahe Ni Ex-Mayor Franklin Quijano ngadto sa Manila. Nagtampohay sila tag-sinkwenta pesos matag usa agi'g kontribyusyon alang sa iyang lakaw. "Nagpasalamat si Mayor Quijano nako", ingon ni GQ.

PANAHON OK NA

Dres Initao pagkakaron maayo ang tempo ug nagakainit na timaan sa nagsingabot nga Summer days. Mapaabot na pod dire karon ang kaalingasa ug dili mayo nga pagabation sa pipila labi na sa mga nag-antos sa nagkalain-laing sakit sa lawas. Ang abog mosalida na pod ug mamaspas na ta ini sa balay mabuntag kay kini mokanat sa lamisa ug uban pang dapit sa panimalay.

FUN RUN GIPAHIGAYON

Marathon kaganihang sayo sa buntag napahigayon pinaagi na sa coordinator sa Initao Joggers/runners club, Dodong Elicoman. Mga alas sinko sa kabuntagon giandan ang pagsugod ug human sa pagpanglista sa mg partisipante gisugdan ang dagan sa 3k ug 5k. Miduyog ang 6 ka sakop sa Karancho agi'g escort sa mga nanagan ug wala pay alas syete nahuman kini. Biente ra ka mga nangapil nini nga marathon, 12 sa lima ka kilometro ug 8 lamang ang sa tulo ka kilometro. Walay problema nga mitumao ug sigun pa ni Mr. Elicoman initial pa ni ug planohon pa nila ang sunod human makat-onan ang mga nahitabo dinhi niini karon nga marathon. Nagpasalamt siya sa mga mi-donar financial alang sa na-snack ug na-inum sa mga nanagan ug nag-pahigayon kay kadto nakatabang kaayo. Wala pa mahuman ang listahan sa tanang nakauna sa dagan/lakaw ug hinoon ang tanan nakabalik man sa finish line.

SEMINAR SA VACC IPAHIGAYON

Kagahapon didto sa ilang buhatan regional sa Volunteer against Crime and Corruption (VACC), ang regional director Francisco Gritan misugilon sa Observer nga adunay seminar nga ipahigayon ang ilang buhatan dinhi sa Initao. Ang mga sakop sa mga lumad ang tumong nga mga benepesyaryo niini ug kini uyunan pa kanus-a niini ra nga bulan sa Abril. Mga lumad gikan sa Lugait paingon sa Gitagum maoy gilantaw mangapil.

GQ TAWAG/TEXT NILA

Si George Quitoriano ang municipal chairman sa PDP nag-ingon nga iyang kontakon ang mga barangay chairpersons sa mga barangay alang sa emergency meeting ug ma puhon didto sa Apas ug usa lamang ang walay chairman, mao ang barangay Pagahan. Kini maoy ilang gipangitaan kon kinsa ang mobarog kay walay miseminar didto alang sa partido. Mahibaloan kini ugma kon kinsa ang mo-representar didto sa nasangpit nga barangay. Ang agenda sigun sa nasayran Observer mao ang biyahe sa DAKU sa Federalismo dinhi sa Mindanao padulong didto sa Manila.

PDP MAG-MEETING SA INITAO

Karong Domingo sa hapon ang mga barangay chairpersons sa PDP, sa Initao magtagbo didto sa Apas. Emerhensya kini nnga gipatawag sa ilang Daku sa rehiyon tungod pod sa tawag gikan sa ilang Buhatan Sentral. Adunay biyahe pa-Manila mao nga estoyahan kini nila ug hisgotan didto sa nasangpit nga meeting. Sumpay sa kasayuran, sa buntag didto sa Libertad mao nga sa hapon dire sa Initao.

DISTRIBUTION-VERY SLOW

Pensions of Senior Citizens here were distributed yesterday on a system not good for people who have already gone to advanced ages 60 and above. They were there by the Senior Citizens Affairs building earlier than 8:00am and continued to gather to twelve noon down to past 6pm. The ones later given were already complaining. The Observer was there and it was a systems defect that was noticed. It has to be changed for the old folks' convenience.