MARTIAL LAW ADUNAY KAHULUGAN DIRE

Sa wanang sa politika, kining hitabo karon diin nakapaukay sa naa sa pwesto ug dili ngani lamang sila kon dili ang naa sa partido karon sa Presidente PDP. Dili lamang kabalaka ang naa sa nanglingkod mora ug kahinam usab sa mga galaum nga makapuli labi na sa Barangay diin kini nga mga opisyales hold-over na ug sobra na sa ilang termino. Gumikan niini bisan unsa orasa sila mailisan labi na kadtong natokhang o nalambigit sa ilegal nga druga. Adunay gitawag nga tigum sa PDP dinhi sa lungsod, kini matud pa ni George Quitoriano ang Municipal Chairman sa PDP ug ang tanan nakaseminar sa pederalismo matud pa niya, ipatambong gayud. Kon unsa ang sangpotan niini gipaabot sa uban nga dako gayud kaayo alang sa lokal nga pamolitika tungod lagi kay gipalakaw man nga ilisan gayud sila. Sa laing kalamboan, ang atong Mayor dire sa Initao, milarga sa abroad human mapahibalo ang Martial law.