WALA MA-AUDITE

Ang Tesorera sa Senior Citizen sa San Pedro nga si Ginang Fredes Tan sa pakisulti sa Observer kaniya kagahapon didto sa ilang balay nag-ingon nga sukad sa eleksyon sa bag-ong opisyales nadtong miaging tuig wala pa gyud siya ma-audite sa auditor nga si Bebs Montesa. Daghan gastos ang grupo ug kinahanglan matuki kini sigun sa gibuhat nila ni G. Avelino Habagat ug Harry Bagares niadtong miagi nilang pag-meeting. Karong petsa 19 binulan nga meeting, hisgotan na usab kini aron ang mga sulti-sulti sa gawas matubag. Ug maklarohan ang tanan. Sa pagkakaron kasamtangan nga way klarong balansi sa pundo, naa pa bay nabilin o wala na ba.