POLITIKA-MONOPOLYO DRE

Sa atong paniksik dinhi sa Initao, kinabag-an sa tawo dre nagtuo nga ang politika dula ni satanas mao nga kasagaran midistansya ug nagpabilin nga nagloklok na lamang sa ilang tagsa tagsa ka mga bagal. Kini ang hinungdan ngano nga mga maayong materyales alang sa liderato, makamao, adunay kahibalo, edukado ug angayan sa posisyon nga lider modumili pagkandidato kay lagi mahugaw ang dula. Ug sa utok sa yanong tawo napatik nga ang politika binuang ug kadaghanan kanila gidulaan lamang sa pipila nga anaa sa hut-ong pamolitika-mga politico nga gapulipuli lamang aron sila dulaon. Wala o kulang sa kahibalo nga anaay Diyosnong politika, maoy lintunganay nga hinungdan ngano nga ang mga demonyo nagpatunga kay ang mga angel nagpadaplin. Ang resulta monopolyo sa mga demonyo ang liderato kay ang mga angel dili man mokandidato, kay sa karon nga panahon bisan pa kuno si Kristo ang mokandidato pilde gyud kaayo.