TRAGEDY STRIKES

Taho nakaabot sa Initao Observer nga sakyanan sa dagat nalunod sa dapit sa Lasang, Tubigan kaganina adlawan diin gisakyan sa mga nangaligo didto nga mga estudyante. Tungod kay baloron ang dagat ug matud sa taho daghan ang sakay wala malikaye natakilid ug nalunod. Nabangalan patay sa Manticao si G. Ernesto Tropico, 60 ang panuigon ug trabahante sa DENR nga giingong maoy tour guide kaganina. Nabangalan usab patay pag-umangkon dili anak dalaga ni Merlin Go sa Tubigan ug usa ka lalaki nga wala pa matumbok ang ngalan. Wa pay klaro sa mga wala pa makita nga mga nakasakay sa nalunod nga salakyan-dagat.