ANG KINABUHING DAAN NGADTOS BAG-O

Ang tawo, sa grasya sa Diyos gibuhi niya ug kay nakalunang sa lapok sa sala, iyang gihaw-as ug gihugasan sa hamiling dugo sa iyang anak nga mao si Ginoong Hesus. Kang Nicodemus si ginoong Hesus miingon, "Kinahanglang nga matawo ka pag-usab" (John 3). Sa iyang pag-anhi, si Ginoong Hesus, isip ikaduhang Adan, maoy pagtuman ug siya ang katumanan sa gitagna sa mga Propeta nga moabot. Ug sa iyang presensiya iyang giklaro nga ang tawo gikan sa kaliwatan ni Tatay Adan, daan na-nagkinahanglan na ug kabag-ohan. Ang daan nga may lama sa kamatayon alisdan sa lama sa kinabuhi-kinabuhing dayon. Niingon si Apostol Pablo, "Kon ang tawo anaa kang Kristo, siya bag-o na nga binuhat, ang daan milabay na ug ang bag-o miabot na"(2 Cor. 5:17).