BORN AGAIN EXPLAINED

Ang tawo tungod kay nakasala gumikan sa walay pagtuo, gisupak ang pahimangno, nahimulag sa relasyon sa Diyos. Natawo siya nga sama sa nagkahugaw/nabulingan ang sapot nga nagkinahanglang ilisan. Ang kahugaw niini dili man lang buling nga puede ra labhan, sabonan kon dili ilabay gyud ug ilisan ug sapot nga bag-o. Tawo man ang nagkahugaw gumikan sa sala, tawo usab nga way sala ang ilimpyo niini. Ang sala panason, pinaagi sa tawo usab nga may lunsay ug dugo nga maoy ihugas kaniya aron siya malimpyo aron mahimong putli. Si Tatay Adan nagkahugaw, malimpyohan lang sa dugo sa ikaduhang Adan nga mao si Ginoong Hesus. Ang atong yutan-on-tawhanong lawas nga mamatay ra, "ilabay" ilubong ug ang lawas natong langitnon, banhawon ug wala nay kamatayon. Mao nga gikinahanglan ang kausaban sa tawo. Natawo nga mamatay kinahanglan matawo nga mabuhi. sa unang pagkatawo, patay ra. Sa ikaduha, mabuhi ka. Sa unang pagkahimugso, kamatayon, sa ikaduhang pagkahimugso, kinabuhing dayon.