KALIWATAN-MAHINUNGDANON

Kon naa ka sa kaliwatan sa mga Ratunil, Acot o Bagares, ok na kay naa kay kaliwatan ug siguro na nga imong kapupoan imong malantaw. Apan wa ka ba makahibalo nga kana nga mga kaliwatan kutob ra na kon buhi ka pa? Anaa man god ang kamatayon, aduna kay problema. sa kinatibok-an, ang tawo usa ra ang kaliwatan; kaliwatan ni Tatay Adan. Namatay siya mao nga ang tanan tawo mamatay usab. Sulbad sa kaliwatan sa kamatayon mao ang kaliwatan sa kinabuhi diha sa ikaduhang Adan nga mao si Ginoong Hesus. Kon mapaubos ka sa iyang kaliwatan bisan anaa ka sa kaliwatan ni Tatay Adan, mamatay ka man, pero mabanhaw ra kay human niana, maimo man ang kinabuhi sa Ginoo nga wala nay kamatayon-kinabuhing dumalayon. Nagkinahanglan ka sa ikaduhang kaliwatan-kaliwatan nga mahinungdanon.