ADMINISTRASYON LISUD PILDIHON

Ang karon nga admin tungod kay "dynasty", lisud gyud mapukan, kini maoy tumbok ni G. Paquito Alavanza sa dihang nahinabi sa Observer di pa dugay didto sa iyang balay. Matud pa niya, gisugdan kini sa apohan unya sa anak, karon apo, nakagamot na'g ayo, balete na nga nakatapot sa tugas. Ang balete daghan ug gamot ug namitay ang uban bisag mamatay ang tugas daghan na ang nakapotan sa mga gamot ug lisud na gyud ang balete patyon. Hinoon, si Alavanza nagpasabot nga dili man pod imposible nga mapukan ang admin ni Gogoy kay daghan na man dynasties nga nabugto nga atong nahibaloan. Ug nga ang problema nga ang mobatok, anaa ba kaniya ang una: tugbang kwarta, ikaduha: kaisog-Duterte style, ikatulo: tanang himan sa politika nga magamit ug gamiton gyud, goons ug guns.