INITAO NAGUBOT KARON

Dili gamay ni nga pagkaukay sa lungsod kon dili gubot jud nga may dala nga kabalaka. Kini tungod kay samtang lima ra ka mga estudyante ang biktima sa mga espirito sa kangitngit midaghan na man hinoon niining adlawa. Nadtong Biyernes man ang lima mao nga wala magpakalase ang prinsipal sa Lunes ug Martes pero sa ilang pagbalik sa INCHS ganinang buntag midaghan na ang "gisaniban". Sa atong pakisusi, sa simbahan sa katoliko kapin sa 50 ka mga bata ang gidala didto ug sa IFI dul-an sa 30, ug didto pa sa lain nga mga simbahan, aduna pay uban. Sa estimate sa kanhi magtutudlo sa INCHS, ingon niya kapin kon kulang usa ka gatos ka estudyante, hinoon wa pa gyud nila maihap sa husto. Matud ni Peping Gambe, ang mobuhat sa pagbadlong anang mga espirito mao ra gyud tong nag-estudyo bahin ana.