PANAWAGAN

Sa mga punoan ning lungsod sa Initao, wala na may matawag nato nga kontra-partido, pulos na man ubos sa Duterte nga bando, magsabotsabot na lang unta mo sa kahusayan sa tanan. Wad-on ang panagbikil-politika alang sa kaayuhan sa tanan lumulopyo dinhi. Ipadaplin ang panagdumot ug away aron makab-ot ang husay ug kalinaw nga maoy tumong sa kadaghanan. Kuhaon sa mga hunahuna ang dautan sa nangagi ug ang panagpasayloay maoy ipahimutang alang ug tungod sa umaabot nga kaliwatan nga maoy mag-ani sa unsa nga itanum ninyo karon. Ang linugdangan nga mapaabot mao untay lantawon kay lagi nasayran na man, unsay itanum mao may anihon.